How to Verify Aadhar Mobile Number And E-Mail Id

How to verify Aadhar Mobile No And Email ID
Friends aaj ki post me ham aapko Aadhar number, Aadhar ke saath registered mobile aur e-mail id verify kaise karte hain ye batayenge. Lekin isse pahle ye jaan lena zaroori hai ki inko verify karne ke kya-kya fayde hain. To chaliye jante hain ki Aadhar number, Aadhar ke saath registered mobile number aur e-mail id ko kaise verify karte hain aur kab-kab iski zaroorat hoti hai.

Aadhar Number Kyon Verify Kare?

Aadhar number verify ki zaroorat scholarship form me, awas yojna, banks me aur kuch sarkari yojnao me hoti hai. Kabhi-kabhi jab aap online Aadhar download karte hain to sari details sahi fill hone par bhi OTP send nahi hota hai tab Aadhar verify ki zaroorat padti hai Aadhar verify karne par OTP send ho jaata hai. Agar Aadhar verify karne par bhi OTP send nahi hota to mobile number verify ki zaroorat padti hai. Mobile number verify karne ke baad OTP registered mobile par aa jaata hai aur Aadhar download ho jaata hai.


E-Mail Id Kyon Verify Kare?

Ab baari aati hai e-mail id ki ise verify karne ki zaroorat kab hoti hai. Doston bahut se log to Aadhar par e-mail id registered hi nahi karwate hain. Lekin aapne shayad CSC (COMMON SERVICE CENTER) digital Seva ke baare me jaante honge agar nahi jante hain to hum apni aane wali posts me uske baare me batayenge. Agar aap digital seva ke liye apply karte hain to ek OTP send hota hai jo aapki Aadhar ke sath registered e-mail id par by default send hota hai. Iska matlab bina registered e-mail id ke aap digital seva ke liye apply nahi kar sakte hain.

Aadhar Verify Kaise Kare?

  • Sabse pahle aap ko Aadhar ki official website UIDAI par jaana hoga aur Aadhar services ke option me verify Aadhar number par click karna hoga. 
  • Apke samne ek page open hoga jisme apko apna Aadhar number fill karke captcha code fill karna hai aur verify option par click karna hai. 
  • Apka Aadhar number verify ho jayega aur apke Aadhar ki detail show ho jayegi.

Mobile Number/E-Mail Id Verify Kaise kare?

  • Sabse pahle aap ko Aadhar ki official website UIDAI par jaana hoga aur Aadhar services ke option me verify e-mail/mobile number par click karna hoga.
  • Apke samne open page me apko apna Aadhar number fill karna hoga aur agar apko mobile number verify karna hai to mobile number ke box me apna mobile number fill kijiye aur agar e-mail id verfy karni hai to e-mail id ke box me e-mail id fill kijiye aur captcha fill kar Get OTP par click kariye.
  • Agar aap moble number verify kar rahe hain to apke registered mobile number par ek OTP aayega aur agar aap e-mail id verify kar rahe hain to apki e-mail id par OTP aayega. Jisme English ke capital, small letters aur number mix hoga for ex-fnBYl. 
  • Aapko OTP enter OTP wale box me fill karna hai aur verify OTP par click karna hai.
  • Iske baad apka mobile number verify ho jayega jiski details aapko screen par dikhegi.

Friends, I hope you like this post. If you have any questions or suggestions, so please tell us. Thanks for reading.

Post a Comment

1 Comments