Jati Praman Patra Online Form Kaise Apply Kare

Jati Praman Patra Online Form Kaise Apply Kare
Jab ham kisi sarkari yojna ka labh lena chahte hain to hame bahut se praman patron ki zaroorat hoti hai jisme jati praman patra bhi hai. Magar aaj kal jati praman patra asani se nahi bante hain. Uske liye hame kai proof dene padte hai. Jati ban jane ke baad wah jeevan bhar ke liye manya hota hai. Jati praman patra bharne ke liye aapko UP citizen services portal par apna registration karna hoga. Agar aapko nahi pata hai ki UP citizen services portal par kaise registration karte hain to aap neeche di gayi post padh sakte hai.


Jati Praman Patra Online Form Ke Liye Documents?

Aapko bata de ki caste certificate apply karne ke liye apke paas kya-kya Documents hone chahiye-
  • Photo (passport size )
  • Aadhar card ya voter card ya koi aur id proof
  • Self declaration-download here
  • Jati ka praman (sabhasad ya parshad ya warden ya gram pradhan ka likha hua) , agar aapke family ka jati praman patra bana hai to use zaroor lagye.
  • Sabhi document scan karle aur unka size 100KB se kam rakhe.

Jati Praman Online Form Kaise Bhare?

Sabse pahle aap apni citizen id login karle aur avedan bhare ke option par click karke jati praman patra select kare. Ab aapke samne jati praman patra ka form khul jayega.
Jati Praman Patra Online Form Kaise Apply Kare
Ab sabhi details ko savdhanipoorvak bhare. Apni tehsil chune, jati aur upjati ko select kare, apna mobile number bhare, apne sabhi documents ko upload kare. Ek baar dekh le ki jo details aapne bhari hain wo sahi hain ki nahin, check karne ke baad darj kare ke option par click kare. Ab jo file aayegi use print karle ya save karle.

Agar aap save ya print na kare to bhi wo file aapki id par save ho jayegi use dekhne ke liye avedan ki soochi wale option par jaye. Ab avedan sankhya copy karle.

Jati Praman Patra Ka Payment Kaise Kare?

Ab payment kare aap chahe to file print karte samay hi payment kar sakte hai nahi to seva shulk bhugtan ke option par jaye aur copy kiye hue avedan sankhya ko paste kar de aur submit karke proceed with payment par click kare apna payment option select payment kare.

Jati Praman Patra Stautus Kaise Check Kare?

Jati praman patra form ka stautus check karne ke liye diye gaye link par click kare-click here

Payment successfull hene ke baad apka jati praman patra Tehsildar ko bhej diya jayega. Phir ek ya do din me Tehsildar apka jati praman patra avedan apke area ke Lekhpal ko bhejega. Phir Lekhpal janch karke apni report lagayega aur phir Tehsildar ko bhej dega. Phir Tehsildar dwara aapka jati praman patra aapki citizen services ki id bhej diya jayega. Ye jati praman patra aapko nistarit avedan wale option me milega.

Friends, I hope you like this post. If you have any questions or suggestions, so please tell us. Thanks for reading.

Post a Comment

0 Comments